كوره الأن |حمزة علاء يودع جماهير الأهلي.. هل سينتقل إلى نادي الزمالك؟

يعرض موقع كوره الأن خبر عن

وجه الحارس حمزة علاء حارس مرمى النادي الأهلي رسالة وداعية لجماهير الشياطين الحمر، وجاء رحيله عن الأهلي بنهاية الموسم المنقضي 2024-2025، بعد عدم التوصل إلى اتفاق بشأن تجديد عقده مع النادي.

ونشر علاء رسالته عبر حسابه الرسمي على منصة “إنستجرام”: “أكيد الكلام جاي متأخر، وعشان كده حابب أعتذر. من حوالي شهر أخدت أصعب قرار في حياتي، وهو إني أسيب بيتي بعد 16 سنة من عمري قضيتهم جوه النادي الأهلي، وقرار الرحيل كان صعب، بس كان لازم أفكر في مستقبلي، ويمكن الفرصة مجتش زي ما كنت بتمنى، بس كل حاجة بتحصل بيبقي ربنا سبحانه وتعالى كاتبها و رب الخير لا يأتي إلا بالخير. لجمهور النادي الأهلي العظيم، محبتكم وتقديركم عمرهم ما كانوا مرتبطين بعدد الدقايق اللي لعبتها”.

وتابع: “دايمًا كنتوا سند، في كل لحظة، في كل بطولة. حسيت معاكم إني أحسن حارس في العالم و انا بلعب في بطوله افريقيا و الاولمبياد. كل اللي بطلبه، إنكم تفضلوا فاكرين إني كنت واحد منكم، ابن من ابناء النادي الأهلي، لإدارة النادي بقياده الكابتن محمود الخطيب، شكرًا على كل لحظة حسيت فيها إني جزء من الكيان.. لزمايلي، إنتوا إخواتي وعيلتي اللي عمري ما هنسى أيامها و بتمني ليكم كل التوفيق و النجاح.. ولكل مدرب اتمرنت معاه داخل النادي، شكراً من كل قلبي على كل لحظة دعمتوني فيها أو علمتوني فيها حاجة.. ولكل عامل تشرفت بالشغل معاه، انتم عارفين ‏معزتكم عندي”.

اقرا أيضًا.. الإصابات تضرب لاعبي الأهلي بعد مغادرتهم مونديال الأندية